Астана қаласы әкімдігінің №33 орта мектебінде "Ана мектебі" қоғамдық қорының ұйымдастыруымен жоғары сынып оқушыларына арналған нашақорлықтың алдын алу бойынша семинар-тренинг өткізілді.

Іс-шара барысында оқушыларға есірткі заттарының адам денсаулығына және өміріне тигізетін зияны, тәуелділіктің қауіптілігі және оның алдын алу жолдары туралы маңызды ақпарат берілді.

Сондай-ақ зиянды әдеттерден аулақ болу, дұрыс орта қалыптастыру, өз денсаулығына жауапкершілікпен қарау және өмірде саналы таңдау жасаудың маңыздылығы түсіндірілді.