Астана қаласындағы №104 мектепте "Ана мектебі" қоғамдық қорының ұйымдастыруымен "Дұрыс тамақтану" тақырыбында танымдық семинар өткізілді. Семинарға мектеп оқушылары мен ұстаздар қатысып, денсаулықты нығайтудағы дұрыс тамақтанудың маңызы жөнінде ой бөлісті.

Кездесу барысында құнарлы тағамдардың пайдасы, теңгерімді ас мәзірін қалыптастыру, дәрумендерге бай өнімдерді тұтыну, суды жеткілікті ішу және зиянды тағамдарды шамадан тыс пайдаланудың алдын алу мәселелері талқыланды.

Дұрыс тамақтану - уақытша әдет емес, өмір бойы денсаулыққа қызмет ететін мәдениет. Бұл қағиданы бала бойына сіңіруде ұстаздың өнегесі мен мектептің тәрбиелік ортасының орны ерекше.