Астана медициналық университетінің Е.Д. Даленов атындағы профилактикалық медицина ғылыми-зерттеу институтының жетекші ғылыми қызметкері Жанна Нурберген зерттеу нәтижелерін қолдайды.

«Тәтті және энергетикалық сусындарды жиі тұтынатын адамдар көбінесе ұйқысыздықты сезінеді. Сонымен қатар, мазасыздық пен стресс шаштың түсуіне ықпал ететін маңызды факторлар болып табылады», - деп атап өтті ол.

Сарапшының айтуынша, мұндай сусындарды шамадан тыс тұтыну шаштың түсуін арттырып қана қоймай, жалпы денсаулыққа кері әсерін тигізеді, атап айтқанда, гастрит қаупін арттырады.

Ғалымдар бұл тікелей себеп-салдарлық байланыс емес, анықталған байланыс екенін атап өтеді. Дегенмен, мүмкін болатын механизмдер талқылануда. Мұндай механизмдердің бірі - қант пен кофеиннің кортизол деңгейіне әсері: кортизолдың созылмалы жоғарылауы ағзаға стрессті арттырады және шаш фолликулаларының денсаулығына кері әсер етуі мүмкін. Гормоналды тепе-теңдікке әсер ететін қандағы глюкоза деңгейінің күрт ауытқуы да рөл атқаруы мүмкін.

Мақала Астана қаласы Қоғамдық денсаулық сақтау басқармасының тапсырысымен жазылды.

Қантты сусындардың зияны туралы толық ақпаратты сілтемеге өтіп оқи аласыздар.