Іс-шараның негізгі мақсаты – білім алушылардың жазғы кезеңдегі қауіпсіздік мәдениетін қалыптастыру, жарақаттанудың алдын алу, судағы қауіпсіздік ережелерін сақтау, өрттің және жол-көлік оқиғаларының алдын алу бойынша ақпараттандыру деңгейін арттыру.

Кездесу барысында қатысушыларға күнделікті өмірде қауіпсіздік ережелерін сақтаудың маңыздылығы түсіндіріліп, төтенше жағдайларда дұрыс әрекет ету жолдары таныстырылды. Сондай-ақ су айдындарында демалу кезінде, жол қозғалысына қатысқанда және өрт қауіпсіздігі талаптарын орындауда жауапкершілік танытудың маңызы ерекше атап өтілді.

Осындай профилактикалық іс-шаралар жасөспірімдердің өмірі мен денсаулығын қорғауға, қауіпсіз мінез-құлық дағдыларын қалыптастыруға және жазғы демалысты қауіпсіз өткізуге ықпал етеді.